Ved sidan av å vera lærar på Sogndal VGS tek eg eit fag ved Høgskulen i Sogn og Fjordane, IKT for lærarar. Me har tidlegare i dette kurset vore gjennom modulane Multimedia- bilete og video og Digital læring - bruk av LMS og kontorstøtteprogram. Modulen me no arbeidar med heiter Webtenester - digital kommunikasjon. Her har me hatt eit arbeidskrav eg fann det naturleg å løyse med denne bloggen.
Arbeidskravet går ut på å nytte eit nettverktøy til å utforme eit undervisningsopplegg som skal imøtekomme elevgruppa si nettverkserfaring, og som vil auka deira nettverkskompetanse. Sidan eg er den einaste med friluftsliv som fagfelt på dette studiumet vart det naturleg for meg å jobbe åleine med dette arbeidskravet. Mine tankar skreiv eg inn i googledokumentet du finn som lenke under.
Mitt googledokument
Vidare skulle opplegget presenterast for elevane i presentasjonsverktøyet i google docs. Eg utarbeida ein presentasjon du finn innbygd under.
Etter å ha nytta den første økta på å skrive logg frå turen me hadde vore på, tok me andre økta til på del to av undervisningsopplegget. Gruppearbeidet vart gjennomført ved at elevane sat i grupper eg hadde delt inn i på førehand. Dei gjekk systematisk inn på kvar enkelt blogg for å lese turloggen før dei diskuterte kva innspel dei i fellesskap ville gi. På kvar gruppe var det 3 personar slik at den som sat i midten var den som skreiv inn sjølve kommentaren på innlegget. Slik jobba kvar gruppe seg gjennom alle bloggane til dei andre elevane. Alle sat i same klasserom under arbeidet slik at eg kunne assistere om nokon fann det naudsynt. I tillegg hadde eg på denne måten kontroll på at alle deltok i diskusjonen og var einige i det som vart publisert.
Fyrst tenkte eg at elevane skulle samskrive i eit googledokument for å kome fram til kva dei skulle publisere som kommentar til kvar blogg. Etter å ha sett på omfanget på dette arbeidet (både deira som elevar og mitt som lærar) fann eg denne måten å gjere det på både for tid- og ressurskrevjande. Som Alf Gunnar Eritsland påpeikar i boka Samskriving - Ny veg i skriveopplæringa, er det og samskriving å sitje i same rom for å skape ein tekst. I hans modell om skrivesamtalen, frå same bok, vil og dei ulike påverkande faktorane vera klårare og nærmare om det vert gjennomført i klasserommet med meg tilstades.
Sjølv har eg lært mykje i denne prosessen. Googledokument og Googlepresentasjon var nye verktøy for meg. Det å nytte desse bydde på litt utfordringar. Særleg presentasjonsverktøyet skapte litt frustrasjon før eg meistra det. Linjeskift slik eg ville ha det i tekstboksane var vanskeleg, samt det å vise tekst nederst på kvar slide. Også backspace funksjonen var vrien då den somme tider sletta langt meir tekst enn det eg ynskte. Etter ein del jobb fekk eg likevel eit produkt eg kunne nytte. Når det gjeld blogg-verktøyet er dette noko me har nytta i dette faget i heile år, så det gjekk greit.
Det vart som tidlegare nemnt naturleg å nytte blogg som verktøy for dette undervisningsopplegget sidan det er slik me har skrive turloggane i dette faget i heile år. Elevane har, som Alf Gunnar Eritsland påpeikar i boka Samskriving - Ny veg i skriveopplæringa, utvikla eit eigarforhald til bloggane sine, og det at sjølve verktøyet var kjent trur eg auka motivasjonen til elevane for oppgåva.
Eritsland skriv og i si bok at blogging er god trening på korleis ein skal uttrykke seg i det offentlege rom. Reint overordna har eg stor respekt for at all informasjon som vert publisert kan sjåast av alle på nett. Eg har difor presisert ovanfor elevane at det ikkje er kritikk av deira blogginnlegg eg er ute etter, men ein konstruktiv tilbakemelding på kva som var bra, og gode innspel på kva som kunne takast med i tillegg evt. andre viklingar på saker dei har teke opp. Enkelte av elevane har bloggar som er "skjulte" for ein tredjepart. Dei har "invitert" meg til å lese desse slik at eg kan følgje med på kva dei skriv etter kvar tur. Dei dette gjeld såg ikkje noko problem med å invitere dei andre i friluftslivgruppa for å kommentere loggane, så dette bydde ikkje på utfordringar.
Målet med oppgåva var som nemnt i arbeidsdokumentet å få elevane til å forstå korleis dei saman kan utvikle ideane sine omkring blogging om turar ved å gi kvarandre respons på arbeid dei har gjort individuelt. Middelet var å starte det Eritsland kallar ein bloggdiskurs. Denne prosessen håpar eg at me med dette arbeidet har starta på, evt. vidareført, på ein god måte.
mandag 12. desember 2011
onsdag 14. september 2011
Første tur med "Friluftsliv 1 ST" Øvstedalen - Fjærlandsete - Kollsete
Ein spent gjeng møtte meg ved friluftslivlageret ved Sogndal vidaregåande skule om morgonen den 7.9 2011. Etter å ha fått utdelt fellesutstyr fordelt på teltlag, gjekk turen med minibuss til Øvstedalen og Mannsverk der me lasta ut, og hadde ein liten innføring i bruk av kart og kompass før gruppe 1 leia veg oppover mot Svartavatnet.
Der traktorvegen enda tok gruppe 2 over som navigatorar, og sette kurs mot Furesete på eit rekkje som tydleg var metta med vatn frå nedbøren dei siste dagane. Himmelen truga med meir regn, og småbygene tok til medan gruppa diskuterte vegval for å nå stølen der me skulle lunche på lettast mogleg måte. Skulle me gå i overkant av myrane mot Gautastølen, eller skulle me følgje stien? Sistnemte vart valt pga. nokså tett vegitasjon, og me nådde Furusete til 11.30 -vanleg lunch-bél.
Etter ein matbit og ein god diskusjon rundt bruken av kart og kompass, la gruppa av stad med teltlag 3 i front forbi Langadrag, Kalvavatnet og like til selbøen på Fjærlandsete. Det regna no godt, og heile gruppa vart sendt ut nedover mot Olavsøyna for å finne ein teltplass der det var plass til 5 telt som kunne stå på tørr grunn natta over.
Etter å ha forkasta ein leirplass der det tydeleg hadde budd folk i seiare tid, vart me einige om å slå leir oppover mot eit lite høgdedrag ved ein hammar like sør for vatnet. Me rigga opp, og venta ut ei skikkeleg byge før me fann fram fiskestengene og prøvde lukka langs sørsida av vatnet naturlegvis med fiskekort i hand. Trass i duskregn var det dårleg med "bit". Middagen skulle tilbredast på stormkjøkken, noko som var nytt for mange, så me hadde ein demo på korleis ein skulle nytte dette utstyret, og elevane diska etterkvart opp med taco, burgarar og gryterett og dessert då fisken uteblei. Kvelden gjekk med til gåter av fleire slag og frasa "Da e no da skjer" vart sikkert sagt 1000 gonger. Det var tydelegvis på Fjærlandsetet det skjedde, for humøret var upåklageleg og latteren sat laust trass heller fuktig vær.
Etter å ha letta på teltduken den 8.9 til avtalt tid, var det tydeleg at elevane hadde sove godt. Ingen var oppe, og det tok litt tid før alle var i gong med frukosten. Me rigga ned, pakka saman og eg drog kjensel på ein av tre som kom gåande langs vatnet frå Sumhaug. Knut ( http://uteknut.blogspot.com ) og to jenter var på eigenvandring som del av friluftslivstudiet på HSF. Dei skulle same vegen som oss, men tok ein pause då teltlag 4 leia oss avgarde i retning Storavatnet under Helleberget. Været var betre enn dagen i førevegen og me fann i fellesskap ut at me ville følgje Nordvestsida av Storavatnet under Helleberget for å nå Fagreggi i passleg bél.
Her åt me ein matbit og prøvde fiskelykken med tillatelse frå grunneigar, og jammen vart det ikkje fisk og. Vegen gjekk vidare langs Kollsetevatnet, og til Kollsetestølen. Herfrå gjekk me grusvegen like til busstoppet ved Kollsete, og nådde akkurat rutebussen som frakta oss attende til Sogndal.
Eg vil berømme elevane for godt humør trass fuktig vær, og at dei heile tida tok omsyn til at me var EI gruppe som var på tur. Eg gledar meg allereie til gapahuk-tur på Kaupanger 21.9 til 22.9.
Der traktorvegen enda tok gruppe 2 over som navigatorar, og sette kurs mot Furesete på eit rekkje som tydleg var metta med vatn frå nedbøren dei siste dagane. Himmelen truga med meir regn, og småbygene tok til medan gruppa diskuterte vegval for å nå stølen der me skulle lunche på lettast mogleg måte. Skulle me gå i overkant av myrane mot Gautastølen, eller skulle me følgje stien? Sistnemte vart valt pga. nokså tett vegitasjon, og me nådde Furusete til 11.30 -vanleg lunch-bél.
Etter ein matbit og ein god diskusjon rundt bruken av kart og kompass, la gruppa av stad med teltlag 3 i front forbi Langadrag, Kalvavatnet og like til selbøen på Fjærlandsete. Det regna no godt, og heile gruppa vart sendt ut nedover mot Olavsøyna for å finne ein teltplass der det var plass til 5 telt som kunne stå på tørr grunn natta over.
Etter å ha forkasta ein leirplass der det tydeleg hadde budd folk i seiare tid, vart me einige om å slå leir oppover mot eit lite høgdedrag ved ein hammar like sør for vatnet. Me rigga opp, og venta ut ei skikkeleg byge før me fann fram fiskestengene og prøvde lukka langs sørsida av vatnet naturlegvis med fiskekort i hand. Trass i duskregn var det dårleg med "bit". Middagen skulle tilbredast på stormkjøkken, noko som var nytt for mange, så me hadde ein demo på korleis ein skulle nytte dette utstyret, og elevane diska etterkvart opp med taco, burgarar og gryterett og dessert då fisken uteblei. Kvelden gjekk med til gåter av fleire slag og frasa "Da e no da skjer" vart sikkert sagt 1000 gonger. Det var tydelegvis på Fjærlandsetet det skjedde, for humøret var upåklageleg og latteren sat laust trass heller fuktig vær.
Etter å ha letta på teltduken den 8.9 til avtalt tid, var det tydeleg at elevane hadde sove godt. Ingen var oppe, og det tok litt tid før alle var i gong med frukosten. Me rigga ned, pakka saman og eg drog kjensel på ein av tre som kom gåande langs vatnet frå Sumhaug. Knut ( http://uteknut.blogspot.com ) og to jenter var på eigenvandring som del av friluftslivstudiet på HSF. Dei skulle same vegen som oss, men tok ein pause då teltlag 4 leia oss avgarde i retning Storavatnet under Helleberget. Været var betre enn dagen i førevegen og me fann i fellesskap ut at me ville følgje Nordvestsida av Storavatnet under Helleberget for å nå Fagreggi i passleg bél.
Her åt me ein matbit og prøvde fiskelykken med tillatelse frå grunneigar, og jammen vart det ikkje fisk og. Vegen gjekk vidare langs Kollsetevatnet, og til Kollsetestølen. Herfrå gjekk me grusvegen like til busstoppet ved Kollsete, og nådde akkurat rutebussen som frakta oss attende til Sogndal.
Eg vil berømme elevane for godt humør trass fuktig vær, og at dei heile tida tok omsyn til at me var EI gruppe som var på tur. Eg gledar meg allereie til gapahuk-tur på Kaupanger 21.9 til 22.9.
Abonner på:
Innlegg (Atom)